منتديات من الإمارات

السلام عليكم ورحمة الله وبركاته

حبيت اخذكم بأول رحلة لنا في ألمانيا واللي كانت متجهة الى Garmisch

مدينة غارميش بارتنكيرشن عبارة عن منتجع في ولاية بافاريا ، جنوب المانيا.وهي منطقة على الحدود مع النمسا.

مدينة غارميش بارتنكيرشن متصلة بــMunich, Innsbruck, Reutte ،
and to the Zugspitze وهو أعلى جبل في ألمانيا (2961 مترا) عن طريق السكك الحديدية..

بس نحن سرنالها باالسيارة احلا.. نشوف المناظر الطبيعية والدنيا الخضرة والغيوم شي قمة في الجمال :)

وتعتبر غارميش من افضل الاماكن لقضاء الاجازة للتزلج والتزحلق على الجليد والمشي لمسافات طويلة ، و من أفضل المناطق للتزلج (جارمش الكلاسيكية وجبل Zugspitze) في ألمانيا.

الحين بعرض عليكم بعض الصور مأاخوذه من الانترنت اللي ماقدرت اصورها والسبب الميموري كانت فل :(

هاي خريطة لجبل Zugspitze كيف خط سير التلفريك والمطاعم والاشياء الموجودة فوق..

وهاي صورة التلفريك اللي يودينا فوق..

والحين بخليكم مع الصور اللي انا التقطتها وان شاءالله تنال على اعجابكم :s50:

وهاي صورة مكان التلفريك,,شعور روعة يوم نكون معلقين فهالصندوق من بين الغيوم :23:

هاي البحيرة اسمها ايبسي..:019111:

هني يوم بدينا نرتفع اكثر واكثر ونجرب من اعلى قمة في المانيا

هني الثلج يالس يذوب:019111:

وعقب استوت الميموري فل وقمة في الغصة والقهر :s39:

وطبعا يوم نزلنا من فوق الجبل كان عندنا اختيارين اما بالتلفريك او القطار ...وطبعا نحن اخترنا القطار لانه يمشي داخل نفق موجود فالجبل وعقب يطلع برع ويرد فالنفق شي حلو الصراحة..
ويوقف في محطتين الاولى ما عرف شو اسمها والثانية اسمها ايبسي..

وايبسي هاي عباره عن بحيرة فيها مطاعم وفنادق ومراكب وكل شي :004:

>>>يوم وصلنا فوق ياني مثل ضغط فراسي ومخي شعور كريه كان,,
واجباري يعوركم راسكم,,

واحلا شي يوم سرت اتزلج انا وابويه وخواتي واخويه بالزلاجات الصغار,,روحهن يشاوحن وانا الف بريولي ويوم احط ريولي عشان الف الثلج كله يتناثر على ويهي ,,

وعلى ينب هالتله شي منحدرين عاليمين واليسار يعني اللي ما يلف يطيح ويتكسر..

يوم نتزلج من فوق لين تحت شعور قمة في الروعه لكن يوم نوصل تحت ونبا نطلع فوق قمة فالتعذيب..
المشي وايد صعب وفجأة تطلع حفرة وتنخش ريولي فيها وابا اطلعها تنخش الثانية..

وكله بصوب ويوم نزلت اول مره وماعرفت الف,,يلست ازاعج واشر بايدي عالناس واقولهم خوزوا خوزوا move move

ويوم اي اصعد الناس ينزلون ومثل ماقلت محد يروم يتحكم بعمره فيلفون على بعض وانا واقفة مبطله عيني ماعرف وين اسير ماروم الف لانه المشي صعب ويوم اونه ابا اركض اطيح على ويهي..

تزلجت 5 مرات وفالخامسه وانا طالعه فوق عند امايه ماروم اتنصخ ابدا كان شعور يعور فالقصبة الهواية والقلب بعد ماكنت اروم اتكلم

والحمدلله كانت رحلة ولا اروع..
دوم كنا نسير غارميش لكن عمري ما استانست شرات هالمره:)

وهالرحلة كانت في تاريخ 3/7/2010

اختكم
مهرة السلطان